لەمساڵدا 24 تۆن کاڵای خراپبوو لە مەرزی شۆشمێ دەستی بەسەرداگیراوە

SNN

لەمساڵدا نزیکەی 24 تۆن کاڵای خراپبوو لە مەرزی شۆشمێ دەستی بەسەرداگیراوە و گەڕێندراوەتەوە ئێران.

ستار مەحمود بەڕێوەبەری کشتوکاڵی هەڵەبجە رایگەیاند، “لە سەرەتای ئەمساڵەوە تا ئێستا 23 تۆن و 795 کیلۆ کاڵای خراپبوو لە شوتی و بیبەر و پیاز و گەنمەشامی لە مەرزی تەوێڵە – شۆشمێ دەستی بەسەرداگیراوە”.

ستار مەحمود ئاماژەی بەوەشکردووە، سەرجەم ئەو کاڵایانەى دەستیا بەسەرداگیراوە گەڕێندراونەتەوە دیوی رۆژهەڵاتی کوردستان و ئێران.

مەرزی شۆشمێ، مەرزێكی لاوەكییە كە دەكەوێتە شارۆچكەی تەوێڵەی سەر بەناحیەی بیارە لە پارێزگای هەڵەبجە، لە ئێستادا رۆژانە ئاڵوگۆڕی شمەك‌و خۆراك دەكرێت لەنێوان پارێزگای هەڵەبجەو پارێزگاكانی سنەو كرماشان.