بەلەمێکی کۆچبەران بە 21 سەرنشینەوە ژێرئاو کەوت
SNN
میدیاکانی ئەڵمانیا بڵاویانکردەوە، بەلەمێکی کۆچبەران کە 21 سەرنشینی هەڵگرتبوو لە دەریاچەی ئیجە ژێرئاو کەوت، بەهۆیەوە دوو منداڵ گیانیانلەدەستدا.
ئەمڕۆ دووشەممە 274ی کانوونی دووەم، رێکخراوی سی بێنکسی ئەڵمانی بڵاویکردەوە، بەیانی رۆژی یەکشەممە، بەلەمێکی کۆچبەرانی نایاسای لە دەریای ئیجە ژێرئاو کەوت، لەو رووداوەدا تەرمی دوو منداڵ دەرهێنراونەتەوە و 17 کەسیش بە زیندوویی رزگارکراون.
ئاماژەی بەوەکردووە، بەوتەی کۆچبەرەکان بەلەمەکە 21 کەسی هەڵگرتووە، بەوپێیەش بێت دوو کەس بێسەروشوێنن.
هاوکات، ئاژانسی هەواڵی ئیتاڵیا (ئینسا) بڵاویکردەوە، لە سەرنشینەکانی ئەو بەلەمە 15 کۆچبەر رزگارکراون و سێ تەرم دۆزراوەتەوە و تا ئێستاش سێ کەسی تر بێسەروشوێنن، بەڵام تا ئێستا ناسنامەی کۆچبەرەکان ئاشکرا نەکراوە.
