وەزارەتی دارایی عێراق: بەرپرس نین لە دواکەوتنی مووچەی فەرمانبەران

SNN-

وەزارەتی دارایی عێراق لەبارەى دواکەوتنی مووچەى فەرمانبەرانى هەرێمى کوردستان وەڵامی رێباز حەملان دەداتەوە و دەڵێت:”بەوپەڕى پیشەییەوە مامەڵە لەگەڵ دۆسیەى مووچەى فەرمانبەرانى هەرێمى کوردستان دەکەین و هیچ پەیوەندییەکمان بە دواکەوتنى مووچەى فەرمانبەرانى هەرێمى کوردستانەوە نییە”.

وەزارەتەکە لە راگیەەندراوێکدا دەڵێت:”دواکەوتنی مووچەی فەرمانبەرانی هەرێمی کوردستان هیچ پەیوەندییەکی بە وەزارەتی دارایی عێراقەوە نییە و تا ئێستا هەرێمی کوردستان هیچ داتایەکی نەداوەتە ئێمە سەبارەت بە تەوتینکردنی موچەی فەرمانبەرانی هەرێم لە سەرجەم بانکەکان”.

دەشڵێت:”هۆکاری دواکەوتنی مووچەی فەرمانبەرانی هەرێم دەگەڕێتەوە بۆ جیاکردنەوەی ناوی ئەو فەرمانبەرانەی کە ڕەوانەی خانەنشینی کراون، بۆ چارەسەرکردنی کێشەکە و دوورکەوتنەوە لە دواکەوتن، وەزارەتی دارایی فیدراڵی تیمێکی 10 ڕۆژ لەمەوبەر بۆ کارکردن و وردبینیکردن ناردوەتە هەرێمی کوردستان”.

لە راگەیەندراوەکەدا هاتووە کە نزیکەی 29 هەزار فەرمانبەر لە هەرێمی کوردستان خانەنشین دەبن و دەبێت هەرێمی کوردستان ناوی ئەو کەسانەمان بۆ ئاشکرابکات کە زیاتر لە مووچەیەک وەردەگرن.

ئەوە لەکاتێکدایە 29 رۆژ بەسەر مانگی یەکی ساڵی 2025 تێپەڕیوە و فەرمانبەرانی هەرێمی کوردستان مووچەی مانگی 12ی ساڵی رابردوو، مووچەی مانگی یەکیشیان وەرنەگرتووە.