ترەمپ و ناتانیاهۆ بۆ کۆتایهێنان بە شەڕی غەز*زە کۆدەبنەوە

SNN-

نووسینگەی بنیامین ناتانیاهۆ سەرۆکوەزیرانی ئیسرائیل رایگەیاندووە، دۆناڵد ترەمپ-ی سەرۆکی ئەمریکا بە رەسمی ناتانیاهۆی بانگهێشتی کۆشکی سپی کردووە، بەپێی زانیارییەکان، پرسی سەرەکی کۆبوونەوەکەیان شەڕی غە*ززە دەبێت.

بڕیارە رۆژی 4ی مانگی داهاتوو، دۆناڵد تڕەمپ و ناتانیاهۆ کۆببنەوە و بەپێی زانیارییەکان، پرسی سەرەکی کۆبوونەوەکەیان شەڕی غە*ززە دەبێت، بۆ ئەو مەبەستە ناتانیاهۆ لە چەند رۆژی داهاتوودا دەچێتە ئەمریکا، لەگەڵ دۆناڵد ترەمپ لە کۆشکی سپی کۆدەبنەوە.

لەلایەکی دیکەوە میدیاکانی ئیسرائیل باس لەوە دەکەن، لە کۆبوونەوەکەیاندا، ترەمپ و ناتانیاهۆ، ئاگربەست لە غەززە تاوتوێ دەکەن و باس لە پرسەکانی پەیوەندیدار بە ناوچەکەش دەکەن.

دوای ئەوەی بۆ دووەمجار دۆناڵد ترەمپ وەک سەرۆکی ئەمریکا هەڵبژێردرایەوە، یەکەم میوانی بیانی کە میوانداری دەکات، بنیامین ناتانیاهۆ دەبێت، ئەمەش دوای ئەوە دێت، هەفتەی رابردوو دۆناڵد ترەمپ سەرۆکی ئەمریکا باسی لەوەکرد، ئەمریکا دەیەوێت شەڕی غەززە کۆتایی پێبێت و لەرێگای ئوردون و میسڕەوە دانیشتووانی غەززە دەگوازنەوە.