ترەمپ یاسایەكی ئیمزاكرد رێگە بە دەستگیركردنی كۆچبەرە نایاساییەكان دەدات

SNN-

دۆناڵد ترەمپ سەرۆکی ئەمریکا، فەرمانێكی جێبەجێكاریی ئیمزا كرد بۆ ناردنی 30 هەزار كۆچبەری نایاسایی بۆ گرتووخانەی گوانتانامۆ، هاوکات، یاسایەكی ئیمزاكرد كە رێگە بە دەستگیركردنی كۆچبەرە نایاساییەكان دەدات.

دۆناڵد ترەمپ، لەكاتی ئیمزاكردنی یاساكەدا ڕایگەیاند، بەهۆی ئەم كارەوە ناوی رایلی لە یاساكانی ئەمریكادا نەمر دەبێت و وتیشی، ئەمە یاسایەكی زۆر گرنگە.

لیكن رایلی، ناوی ئەو خوێندكارە ئەمریكییە تەمەن 22 ساڵەیە كە لەلایەن كۆچبەرێكی ڤەنزوێلییەوە كوژرا، ئەم یاسایە ئەو كۆچبەرە نایاساییانەش دەگرێتەوە كە تۆمەتبارن بە تاوانەكانی وەك دزی و توندوتیژی.

ترەمپ دەیەوێت، زیندانی سەربازیی گوانتانامۆ كە تایبەتە بەو دەستگیركراوانەی تۆمەتبارن بە تیرۆر، ئامادەبكرێت بۆ وەرگرتنی 30 هەزار كۆچبەری نایاسایی.