سەرۆکی مەکسیک: هەوڵەکانی ئەمریکا دەستدرێژی و پێشێلکردنی سەروەری وڵاتەکەمانە

SNN

لە دوای بڕیارەکەی دۆناڵد ترەمپ، سەرۆکی ئەمریکا بۆ داخستنی سنوور بە ڕووی کۆچبەرە مەکسیکییەکان و زیادکردنی باج بەسەر بەرهەمە هاوردەکراوەکانی (مەکسیک و کەنەدا و چین)، ئەو سێ وڵاتە هەڵوێستی خۆیان بەرامبەر ئەمریکا ڕاگەیاند و دەڵێن، “باجی زیاتر بەسەر بەرهەمەکانیاندا دەسەپێنن”.

کلاودیا شەینباوم، ڕایگەیاند، سەرجەم هەوڵەکانی ئەمریکا دەستدرێژییەکی ڕوون و ئاشکران بۆسەر سنوور  و سەروەری خاکی وڵاتەکەمان، بڕیارەکانی ترمپ کاریگەریی خراپی لەسەر داهاتووی پەیوەندییەکان دەبێت.

کلاودیا شەینباوم، سەرۆکی مەکسیک بە میدیاکانی ڕاگەیاند، لەگەڵ ئەمریکییەکان دەتوانین دەربارەی سەقامگیریی سنوورەکان پێکەوە کار بکەین، بەڵام سەپاندنی سزا و گومرگ کاریگەریی خراپی لەسەر داهاتووی پەیوەندییەکانیان دەبێت.

کلاودیا شەینباوم ئاماژەی بەوەشکردووە، قسەکانی کۆشکی سپی سەبارەت بە هەبوونی پەیوەندیی لە نێوان حکومەتی مەکسیک و باندە تاوانکارییەکان ڕەتدەکەینەوە، “هەڵویستی ئەمریکاش بۆ دەستوەردان لە کاروباری ئێمە و بەزاندنی سنوورەکانمان بە هیچ شێوەیەک قبوڵ ناکەین”.

جەختیشی کردەوە، ئەوان ئامادەیی ئەنجامدانی گفتوگۆیان هەیە گەر ئەمریکاییەکان گفتوگۆیان دەوێت، نەک بە سەپاندنی گومرگ و سزا، بەڵام، وەکو وەڵامدانەوەی بۆ سەپاندی %25 باجەکانی ئەمەریکا بۆسەر بەرهەمەکانی مەکسیک، ئەوە ئێمەش باجی زیاتر بەسەر ئەمەریکا دەسەپێنێن.