مەحمود مەشهەدانی و مەسعود پزیشکیان لە تاران کۆبوونەوە
SNN-
نوسینگەی راگەیاندنی سەرۆکی ئەنجوومەنی نوێنەران ڕایگەیاند، مەحمود مەشهەدانی، سەرۆکی ئەنجوومەنی نوێنەرانی عێراق، لە تاران لەگەڵ مەسعود پزیشکیان، سەرۆکی ئێراندا کۆبووەوە.
نوسینگەی راگەیاندنی سەرۆکی ئەنجوومەنی نوێنەران بڵاویکردووەتەوە، لە کۆبوونەوەکەدا گفتوگۆ لەبارەى پەیوەندییە دوو قۆڵییەکانی نێوان بەغداد و تاران و ئەو دۆسیەیانە کراوە، گرنگی هاوبەشیان بۆ هەردوو وڵاتەکە هەیە.
هەردوو سەرۆک، لە دیدارەکەیاندا جەختیان لە پێشهاتە هەرێمایەتییەکان و رەنگدانەوەی لەسەر وڵاتانی ناوچەکە و گرنگیی پاڵپشتیکردنی گەلانی ستەملێکراو کردووەتەوە.
مەحمود مەشهەدانی، بەسەرۆکایەتی شاندێکی ئەنجوومەنی نوێنەران لە تارانە و بڕیارە لەو سەردانەیدا، لەگەڵ بەرپرسانی باڵای ئێراندا کۆببێتەوە.
