“لەگەڵ ئاشتی و چارەسەرکردنی کێشەی کورددان”

SNN-

تولای هاتیمئۆغوڵڵاری ڕایگەیاند، عەبدوڵا ئۆجەلان و پارتی دەم لەگەڵ ئاشتی و چارەسەرکردنی کێشەی کورددان و داوای هەنگاوی کردەیش لە دەسەڵات دەکەن.

تولای هاتیمئۆغوڵڵاری، هاوسەرۆکی پارتی دەم لە کۆبوونەوەیەکیدا لە شاری ئەدەنە لەگەڵ ئەندامانی پارتی دەم و هاونیشتمانییان، ڕایگەیاند، عەبدوڵا ئۆجەلان و پارتی دەم لەگەڵ ئاشتی و چارەسەرکردنی کێشەی کورددان و داوای هەنگاوی کرداریش لە دەسەڵات دەکەن.

وتیشی، “دەستێکت کوتەکی تیابێت و دەستێکت بۆ تەوقە درێژ بکەیت، بە دانانی قەیووم بۆ شارەوانییەکان، دەستگیرکردنی رۆژنامەوانان و فشار خستنە سەر هێزەکانی ئۆپۆزسیۆن، ناتوانرێت ئاشتی و دیموکراسییەت لە تورکیادا بەدیبهێنرێت”، پەیامێکیشی ئاڕاستەی دەوڵەتی تورکیا کرد و داوای کرد دەسەڵات ئەو هیوایە لەناو نەبات، کە بۆ دروستبوونی ئاشتیی دروستبووە.

تولای هاتیمئۆغوڵڵاری وتیشی، “عەبدولا ئۆجەڵان، رێبەری زیندانیکراوی پەکەکە جەخت لە رۆڵی ئۆپۆزسیۆن لە سەرخستنی گفتوگۆکان دەکاتەوە” دەشڵێت، “ئەگەر ئۆپۆزسیۆن رۆڵ نەبینێت دەسەڵات پڕۆسەکە لەپێناو خۆیدا بەکاردەهێنێت، وەک ئەوەی لە پڕۆسەی یەکەمدا دەسەڵات ئەو کارەی کرد بەهۆی دوورەپەرێزیی ئۆپۆزسیۆن لە پڕۆسەکە”.