وەزارەتی پەروەردە کەمکردنەوەی پرۆگرامی خوێندنی قۆناغەکانی 9 و 12ی راگەیاند

SNN–

وەزارەتی پەروەردەی هەرێم رایگەیاند، بەشێک لە پرۆگرامی خوێندنی قۆناغی 9 و 12 مان کەمکردۆتەوە بۆ تاقیکردنەوە گشتییەکان.

بەپێی نووسراوێکی وەزارەتی پەروەردە بە لەبەرچاوگرتنی دۆخی خوێندکاران بڕیاردرا بە کەمکردنەوەی بەشێک لە پرۆگرامی وانەکان بۆ تاقیکردنەوە گشتییەکانی قۆناغی 12 ی ئامادەیی و قۆناغی نۆی بنەڕەتی بۆ ئەمساڵی خوێندن.

بەهۆی بایکۆتکردنی هۆڵەکانی خوێندن لەلایەن مامۆستایانەوە بەهۆی دواکەوتنی دابەشکردنی مووچە ماوەی دوو ساڵە وەزارەتی پەروەردە پرۆگرامی خوێندن بۆ بەشێک لە خوێندکاران کەمدەکاتەوە.