ترەمپ: پرۆژەی چۆڵکردنی غەززە جێبەجێ دەکەم بەڵام هیچ پەلە ناکەم

SNN-

سەرۆکی ویلایەتە یەکگرتووەکانی ئەمەریكا رایگەیاند: ”پێویست ناکات پەلە بکەم لە جێبەجێکردنی ئەو پلانانەی هەیە سەبارەت بە کەرتی غەززە”.

دۆناڵد ترەمپ، سەرۆكی ویلایەتە یەكگرتوەكانی ئەمەریكا لە لێدوانێکدا رایگەیاند، لەجێبەجێ كردنی پلانەكەی كەرتی غەززە پەلە ناکات و چاوەڕێی کاتی گونجاو دەکات بۆ چۆڵکردنی، بە وتەی ترەمپ، ئیسرائیل غەززە ڕادەستی ئەمریکا دەکات.

ئەمەش لە کاتێکدایە، ترەمپ پێشنیازیکردووە دانیشتوانی غەززە بگوازرێنەوە بۆ میسڕ و ئوردن، بەڵام ئەو پێشنیازەی لەبارەی ڕاگواستنی دانیشتووانی غەززە، لەلایەن زۆرینەی وڵاتانی جیهان رەت کرایەوە.