وادەی كۆتایی هاتنی ئەم شەپۆلەی بەفر و باران ڕاگەیەندرا

SNN-عەلی حەمەسەعید

شارەزایەكی بواری كەشناسی ئاشكرایدەكات كە ئەو شەپۆلە بەفروباران بارینەی ڕووی لە هەرێمی كوردستان كردووە، تا درەنگانێكی ئەمشەو بەردەوامی دەبێت، هاوكات ئەمشەو پلەكانی گەرما بۆ ژێر پلەی سفر دادەبەزن.

پشتیوان ئیبراهیم، شارەزای بواری كەشناسی بە SNNی ڕاگەیاند: ئەو شەپۆلە باران و بەفرەی كە ناوچە جیاوازەكانی هەرێمی كوردستانی گرتەوە تا درەنگانی ئەمشەو بەردەوام دەبێت و پاشان كۆتای پێ دێت و بەڵام پلەكانی گەرما لە ئەمشەو بۆ ژێر سفری سەدی نزم دەبێتەوە لە ناوچە شاخاوییەكان بەستن وشەختە دروست دەبێت.

ئاماژەی بەوەشكرد، سبەی یەك شەممە كەش ئاسایی دەبێت و ئاسمان خۆر و پەڵە هەور دەبێت هەور وەها بای باكووری ڕۆژهەڵات بەردەوامی دەبێت لە 15كلم بۆ 25 كلم لە كاتژمێرێكدا بەپێی كات و شوێن گۆڕانكاری ڕوودەدات.

ئەو شارەزایەی بواری كەشناسی ئەوەشی خستەڕوو، هەرلە مانگەدا و بەدیاریكراوی لە 13/2/2025 شەپۆلێكی دیكەی بەفر و باران ناوچەكە دەگڕێتەوە ولە كاتی نزیك بونەوەی هاتنی ئەو شەپۆلە زانیاری زیاتر دەخەینەڕوو.