ئەو ڕۆژنامەنوس و هاووڵاتییانەی لە هەولێرەوە هاتبوون بۆ پشتوانیی لە خۆپیشاندەران، پارتی ڕێگەی نەدا بچنەوە شارەكەیان

SNN-عەلی حەمە سەعید

سەرەڕای ئەوەی پارتی لەڕێگەی هێنانی هێزێكی زۆرەوە بە چەك ڕشتنی گازی فرمێسک رێژ و هێرشكردنە سەر خۆپیشاندەران ڕێگەی نەدا خۆپیشاندەران بچنە هەولێر، لەهەمان كاتیشدا ڕێگەی نەدا ئەو ڕۆژنامەنوس و هاووڵاتییانەش بچنەوە هەولێر لەو شارەوە بۆ پشتیوانی لە خۆپیشاندەران هاتبوونە بازگەی دێگەڵە.

بەگوێرەی زانیارییەكانی SNN بەفەرمانی بەرپرسانی پارتی لە بازگەی دێگەڵە ڕێگری كراوە لە گەڕانەوەی زۆرینەی ئەو ڕۆژنامەنوس و هاووڵاتی و فەرمانبەرانەی كە لە هەولێرەوە هاتبوونە بازگەی دێگەڵە بۆ پشتیوانی لە خۆپیشاندەران، بەناچاری بەشێك لەو ڕۆژنامەنوسانە هاتوونەتە سلێمانی و بەشێكیشان لە شاری كۆیە ماونەتەوە.

ئاماژە بەوەشكراوە، هەر بە هۆی ئەو مامەڵەیەی هێزەكانی پارتی بەرامبەر بە مامۆستایان و فەرمانبەران كردیان بە بەكارهێنانی غازی فرمێسك ڕێژ، بەهۆی مانەوەی كاریگەری ئەو غازە لەسەر جەستەی مامۆستایان و فەرمانبەران، نزیكەی 20 مامۆستا و ڕۆژنامەنوس و فەرمانبەر ڕەوانەی نەخۆشخانەی د. خالید كراون لە شاری كۆیە.

هەر لە زانیارییەكانی SNNئەوەشهاتووە كە باری تەندروستی بەشێك لەو مامۆستا و ڕۆژنامەنوسانەی غازی فرمێسکژێژیان بەركەوتووە هێشتا بارودخی تەندروستیییان ئاسایی نەبووەتەوە، بۆیە پزیشكەكانی نەخۆشخانە پێیان ڕاگەیاندوون كە پێویستە تا سبەی لە نەخۆشخانە بمێننەوە و لە ژێر چاودێری پزیشكدا بن.