ترەمپ باس لە کڕینی غەززە دەکات

SNN

دۆناڵد ترەمپ، سەرۆکی ویلایەتە یەکگرتوەکانی ئەمریکا پابەندبونی خۆی بە کڕینی غەززە ڕاگەیاند و جەختی لەوەکردەوە کە “ڕەنگە بەشێکی غەززە بداتە وڵاتانی دیکە”.

دۆناڵد ترەمپ لە وتارێكدا ڕایگه‌یاند، “من پابەندم بە کڕین و خاوەندارێتی غەززە، ڕەنگە بەشێکی بدەم بە وڵاتانی دیکەی ڕۆژهەڵاتی ناوەڕاست بۆ ئەوەی ئاوەدانی بکەنەوە, غەززە دەکەمە شوێنێکی باش بۆ گەشەپێدانی داهاتوو، ئاگاداری فەڵەستینییەکان دەبم و دڵنیا دەبمەوە کە نەکوژرێن”.

ترەمپ باسی له‌وه‌شكرد، “سەیری حاڵەتە تاکەکەسییەکان دەکەم بۆ ئەوەی ڕێگە بە پەنابەرانی فەڵەستینی بدەن بچنە ناو ئەمریکا، وڵاتانی ڕۆژهەڵاتی ناوەڕاست دوای ئەوەی قسەم لەگەڵ دەکەن، پێشوازی لە فەڵەستینییەکان دەکەن”.