نرخی زێڕ زیاتر بەرزدەبێتەوە

SNN-

نرخی زێڕ ئەمڕۆ بەهۆی پەرەسەندنی شەڕی بازرگانیی نێوان ئەمریکا و هاوبەشەکانی، دووبارە ئاراستەی بەرزبوونەوەی گرتەبەر.

نرخی زێڕ لەبازاڕەکانی هەرێمی کوردستان بەراورد بە دوێنێ بەرزبووەوە، نرخی ئۆنسەیەک زێڕ لە بۆرسەی جیهانیدا بە دوو هەزار و 918 دۆلار و 50 سەنت مامەڵەی پێوەدەکرێت، بەراورد بە دوێنێ نرخەکەی 33 دۆلار و 30 بەرزبووەوە.

ئەمڕۆ پێنجشەممە 13ی شوباتی 2025، نرخی زێڕ بە شێوەیەکی بەرچاو بەرزبووەوە، بەجۆرێک لەم هەفتەیەدا نرخی زێڕ بەردەوام رووی لە بەرزبوونەوەیە و گەیشتە بەرزترین ئاستی خۆی لە مێژوودا.

بەرزبوونەوەی نرخی زێڕ لە کاتێکدایە کە دۆناڵد ترەمپ، سەرۆکی ئەمریکا ئێوارەی رۆژی چوارشەممە رایگەیاند، هەر وڵاتێک باج بەسەر بەرهەم و کاڵای ئەمریکیدا بسەپێنێت، پێناسی گومرگیی دەخاتە سەری.

هەرچەندە بڕیارەکەی ترەمپ بۆ پاڵپشتیکردنە لە بەرهەمی ناوخۆ، بەڵام بە ئەگەری زۆرەوە سەپاندنی پێناسی گومرگی لەلایەن ئەمریکاوە، بێ وەڵام نامێنێتەوە لەلایەن هاوبەشە بازرگانییەکانی ئەو وڵاتەوە.

نرخی زێڕ لە بازارەکانی کوردستان بەم شێوەیەیە:

زێڕی عەیارە 18 بە 529 هەزار دینار

زێڕی عەیارە 21 بە 617 هەزار دینار

زێڕی عەیارە 22 بە 646 هەزار دینارە

زێڕی عەیارە 24 بە 706 هەزار دینارە