“ئیسرائیل هێرش دەکاتە سەر دامەزراوە ئەتۆمییەکانی ئێران”
SNN-
رۆژنامەى (وۆڵ ستریت جۆرناڵ)ى ئەمەریکى بڵاویکردووەتەوە، ئیسرائیل بەنیازە هێرشى ئاسمانیی بەرفراوان بۆسەر دامەزراوە ئەتۆمییەکانى ئێران ئەنجام بدات.
رۆژنامەکە دەشڵێت: ئیسرائیل بەنیازە لاوازیی ئێران بقۆزێتەوە و ئەمساڵ هێرشى بەرفراوان بۆسەر دامەزراوە ئەتۆمییەکانى ئەنجام بدات.
بەپێی هەڵسەنگاندنێکى هەواڵگریی، لە کۆتا رۆژەکانى دەسەڵاتى جۆ بایدن وەک سەرۆکى ئەمەریکا ئیسرائیل ترسى خۆى لە بەدەستهێنانى ئێران لە چەکى ئەتۆمیی دەربڕیوە و ئەمەش هانى دەدات لە ئیدارەى نوێی وڵاتەکەدا پیشتیوانى هەر هێرشێکى بکات.
راپۆرتەکە ئاماژەى بۆئەوەکردوە کە ئیسرائیل ئیدارەى ترەمپ بە باشتر دەزانێت بۆ پشتیوانیکردنى بەتایبەت لە بەئامانجگرتنى دامەزراوە ئەتۆمییەکانى وڵاتەکە کە پێویستى بە هاوکاریی ئەمەریکا دەبێت.
لەگەڵ ئەوەى نوسینگەى بنیامین نەتەنیاهۆ، سەرۆکوەزیرانى ئیسرائیل ئەم زانیارییانەى رەتکردوەتەوە؛ بەڵام بەرپرسانى وڵاتەکە بەردەوام دڵنیایی دەدەن کە ئێران لەئێستادا زۆرترین ئەگەرى هێرشکردنەسەرى هەیە.
