بافڵ جەلال تاڵەبانی لەگەڵ وەزیری دەوڵەتی ئەڵمانیا بۆ کاروباری دەرەوە کۆبووەوە

SNN

بافڵ جەلال تاڵەبانی ، سەرۆکی یەکێتیی نیشتمانیی کوردستان لە پەراوێزی بەشداریکردنی لە کۆنفرانسی ئاسایشی میونشن لە ئەڵمانیا لەگەڵ تۆبیاس لیندنەر وەزیری دەوڵەتی ئەڵمانیا بۆ کاروباری دەرەوە کۆبووەوە .

لەکۆبوونەوەکەدا دووپات لە پێویستی هەماهەنگی و کاری هاوبەش و پەرەپێدانی پەیوەندییەکانی هەردوولا کرایەوە لەپێناو کاراترکردنی هەوڵەکان بۆ پاراستنی ئاسایش و ئارامی لەناوچەکەدا .

دۆخی سوریا و رۆژئاوای کوردستان لەکۆبوونەوەکەدا ، بە وردی هەڵسەنگاندنی بۆ کراو سەرۆک بافڵ پەرۆشی یەکێتیی بۆ چارەسەری ئاشتیانەی پرسی کورد لە سووریا تەئکیدکردەوە و رایگەیاند پاراستنی مافی هەموونەتەوەو پێکهاتەکان بە تایبەت کورد و بەشداربوونیان لە بڕیارو بنیادناوەی سووریای نوێ زامنی سەقامگیری دەبێت و هەر هەوڵێکیش لەدەرەوەی ئەم ئامانجە دۆخەکە ئاڵۆزتر دەکات بۆیە ئەرکی هەموولایەکە پشتگیری پاراستنی ناوچەکەو سەرخستنی هەوڵەکان بێت بۆ گەیشتن بە چارەسەری نیشتمانیی لەوبارەیەوە