لەشكركێشییەكانی توركیا مەترسی چۆڵكردنی نزیکەی 600 گوندی زیاتر كردووە
SNN-عەلی حەمە سەعید
بەهۆی بەردەوامی ئەو لەشكركێشیانەی كە توركیا دەستپێكردووە بۆ داگیركردنی خاكی كوردستان و هاوكات بێدەنگ بوونی حكومەتی هەرێم و بەرپرسانی پارتی لە سنووری پارێزگای دهۆك، تا ئێستا زیادر لە 180 گوند بەتەواوی چۆڵ كراون و مەترسی چۆڵبوونی زیاتر لە 600 گوندی دیكەش لە ئاردایە.
كامەران عوسمان، بەرپرسی مافی مرۆڤ لە ڕێكخراوی CPTی ئەمەریكی بە SNNی ڕاگەیاند: لەشكركێشی و داگیركارییەكانی سوپای توركیا لەناو قوڵایی خاكی هەرێمی كوردستان بەردەوامی هەیە بە تایبەت لە سنووری پارێزگای دهۆك، بەوهۆیشەوە تا ئێستا 183 گوند لە هەرێمی كوردستاندا بە تەواوی چۆڵبوون و 602 گوندی دیكەش مەترسی چۆڵبوونیان لەسەرە.
ئاماژەی بەوەشكرد، ئەو گوندانەی بەهۆی ئەو لەشكركێشیانەی توركیا چۆڵبوون یاخود مەترسی چۆڵبوونیان لەسەرە، بەزۆری دەكەونە سەر سنوورەكانی پارێزگای دهۆك و سنوورەكانی پارێزگای هەولێر كە لەگەڵ توركیادا هاو سنوورن، هاوكات ساڵانە ئەو جوگرافیای دەكەوێتە سنووری ئۆپەراسیۆنەكانی سوپای توركیا فراوانتردەبێت.
ئەو بەرپرسەی ڕێكخراوی CPTی ئەمەریكی ئەوەشی خستەڕوو، پێشترتوركیا بە قوڵایی 15 كیلۆمەتر توركیا هاتبووە ناو خاكی هەرێمی كوردستان، بەڵام لەماوەی 20 ساڵی ڕابردوودا ئێستادا توركیا بە قوڵایی نزیكەی 40 كیلۆمەتر هاتووەتە ناوخاكی هەرێمی كوردستانەوە و بەرپرسانی حكومەت و پارتیش بێدەنگن لە بابەتەدا.
