لە چوارچێوەی ئاگربەستی غەززە سێ بارمتەى ئیسرائیلی دیکە ئازاد دەکرێن

SNN-

ئەمڕۆ بۆ جارێكیتر ئاڵوگۆڕی دیل و زیندانیان لەنێوان حەمماس و ئیسرائیل ئەنجام دەدرێت، پرۆسەكە بە ئازادكردنی سێ بارمتە بەرامبەری 369 بارمتەی فەڵەستینی دەبێت .

لە چوارچێوەی ئاگربەستی غەززە بڕیارە ئەمڕۆ شەممە 15ی شوباتی 2025، سێ بارمتەی ئیسرائیل بەرامبەر بە ئازادکردنی 369 زیندانی فەڵەستینی ئازاد بکرێن.

هاوکات بەپێی هەواڵێکی ماڵپەڕی جەزیرە، لە چوارچێوەی قۆناغی شەشەمی ئاڵوگۆڕدا ئەمڕۆ سێ بارمتەی ئیسرائیل بە ناوەکانی “ساشا ئەلێکساندەر ترۆپانۆڤ، ساگی دەکێل هان، یایر هۆرن” بەرامبەر بە ئازادکردنی 369 زیندانی فەلەستینی ئازاد دەکرێن.

لەو 369 زیندانییەی فەلەستین کە ئازاد دەکرێن، 36 زیندانیان هەتاهەتاین و 333 زیندانییەکەی دیکەش ئەوانەن کە لە دوای 7ی تشرینی یەکەمی 2023وە دەستگیرکراون.