یاسای خانەنیشینی یەکگرتوو بەسەر هەموو خانەنشینانی هەرێمدا جێبەجێ دەكرێت

SN

سادق شێخ عوسمان رایگەیاند، یاسای خانەنیشینی یەكگرتوو بەبێ‌ دەستكاریكردن بەسەر هەموو خانەنشینانی هەرێمدا جێبەجێ دەكرێت و ئەو فەرمانبەرانەی تازە خانەنشین دەبن 12 مووچە پێکەوە وەردەگرن.

سادق شێخ عوسمان، وتەبێژی یەكێتی خانەنشینانی كوردستان رایگەیاند، بەپێی دواین رێككەوتنی هەردوو لیژنەی دارایی هەرێم و بەغدا یاسای خانەنیشینی یەكگرتوو بەبێ‌ دەستكاریكردن بەسەر هەموو خانەنشینانی هەرێمدا جێبەجێ دەكرێت.

وتیشی، ئەو فەرمانبەرانەی كە لە مانگی 12ی ساڵی رابردوو خانەنشین بوون، 12 مووچە بەسەر یەكەوە وەردەگرن و ئەو فەرمانبەرانەی پێش ساڵی 2023 خانەنیشینكراون سەرجەم ئیمتیازات و مافەكانیان وەردەگرن و مووچەیان هاوشێوەی خانەنیشینانی عێراق دەبێت.

وتەبێژی یەكێتی خانەنشینانی كوردستان ئاماژەی بەوەسکردووە، یاسای خانەنیشینی یەكگرتوو بەسەر هێزە ئەمنییەكان و پێشمەرگەشدا جێبەجێ دەكرێت و ئەفسەرێكی پشمەرگە لەكاتی خانەنیشینبووندا وەك ئەفسەرێكی سوپای عێراق مامەڵەی لەگەڵدا دەكرێت و بەهەمان یاسا و شێوە خانەنشین دەكرێن.

N-