حەماس دەستبە رادەستکردنی دەسەڵات دەکات لە غەززە

SNN

بزووتنەوەی حەماس لە نامەیەکدا بۆ رێکخراوی رزگاریخوازی فەلەستینی ئامادەی خۆی دەربڕیوە بۆ رادەستکردنی دەسەڵاتی خۆیان لە غەززە بۆ دەسەڵاتدارانی فەلەستین و لیژنەی حکومی تاکو غەززە بەڕێوەببەن.

بەگوێرەی سەرچاوەیەک کە قسەی بۆ ماڵپەڕی سکای نیوز کردووە ئاشکرایکردووە، حەماس بۆ رادەستی غەززە بە دەسەڵاتدارانی فەلەستین تەنها یەک مەرج هەیە ئەویش کارمەندانی کەرتی غەززە دووبارە لە ناو ئیدارەی نوێ وەربگیرێنەوە یان خانەنشین بکرێن، لەگەڵ گەرەنتی ئەوەی مووچەکانیان بدرێت.

سەرچاوەکە جەختیکردووەتەوە، قبوڵکردنی حەماس بۆ ڕادەستکردنی دەسەڵاتی غەززە بە دەسەڵاتدارانی فەلەستین، دوای فشارێکی زۆری میسر بووە لە شاندی بزوتنەوەکە کە سەردانی قاهیرەیان کردووە.

هاوکات، ستیف ویتكوف، نێردەی تایبەتی ئەمریکا رایگەیاند, بڕیارە لەم هەفتەیەدا دانوستانەکان سەبارەت بە قۆناغی دووەمی ئاگربەستی غەززە و ئاڵوگۆڕی بارمتە ئیسرائیلییەکان و زیندانیانی فەلەستینی بەردەوام بێت.

قۆناغی دووەمی دانوستانەکانیش بریتیدەبێت لە ئازادکردنی سەرجەم ئەو بارمتە ئیسرائیلیانەی لە ژیاندا ماون.