کارەبای سلێمانی
SNN-
بەڕێوەبەرایەتی کارەبای سلێمانی رایگەیاند، نرخی کارەبای موەلیدە بۆئەم مانگە لە نێوان 14000 بۆ 15000 دیناردایە، هاوکات خشتەی کارکردنی موەلیدەکانی بۆ مانگی سێ بڵاوکردەوە.
بەپێی راگەیەنراوێکی کارەبای سلێمانی، لیژنەی دیاریکردنی موەلیدە ئەهلییەکان بەپێی نرخی سوتەمەنی، بۆئەم مانگە نرخی هەر کاتژمێرێک کارەبای موەلیدەی بۆ یەک ئەمپێر بە (44) دینار دیاریکردوە.
ئاماژەی بەوەشکردوە، نرخی یەک ئەمپێر کارەبای موەلیدەی ئەهلی گەڕەکەکان لە ناوشاری سلێمانی لەنێوان (14000 بۆ 15000) هەزار دیناردایە.
هاوکات، خشتەی کارپێکردنی موەلیدەکانی بۆ مانگی سێ بەم شێوەیە دیاریکردوە:
– رۆژانە لە کاتژمێر (12:00)ی نیوەڕۆ تا 1:00ی بەرەبەیان کاردەکەن.
– کاتژمێر (1:00) دەکوژێنەوە تا (3:30) خولەکی بەیانی.
– کاتژمێر (3:30)ی بەیانی تا (8:00)ی بەیانی کاردەکەن.
