ئەندامێکی لیژنەی دارایی: هیچ بەربەستێت لە بەردەم هاتنی مووچە نییە

SNN-

ئەندامێکی لیژنەی ئابووریی پەرلەمانی عێراق ڕایگەیاند، هیچ بەربەستێك نییە و هەموو شتێك بەرەوپێش چووە و مووچەی مانگی شوبات بۆ هەرێمی كوردستان دەنێردرێت.
سیپان شێروانی، ئه‌ندامی لیژنەی ئابووریی په‌رله‌مانی عێراق، بە میدیای پارتی ڕاگەیاند: مووچەی مانگی شوبات هیچ بەربەستێكی لەپێشدا نییە و لە زووترین كاتدا بۆ هەرێمی كوردستان دەنێردرێت.
وتیشی هەموو شتێك وەك پێویست بەرەوپێش چووە و وردبینیی لیستی مووچە گەیشتووەتە قۆناغی كۆتایی، چاوەڕوان دەكرێت تەمویل بنێردرێت و دەست بە دابەشكردنی مووچە دەكرێت.
سیپان شێروانی، جەختی كردەوە، لیستی مووچە بە سیستەمی (پەیرۆڵ) بۆ بەغدا نێردراوە و هیچ گرفتێكی نەبووە.
لای خۆیەوە سەرچاوەیەكی ئاگادار لە وەزارەتی دارایی و ئابووریی هەرێم رایگەیاند، “وردبینی لە لیستی مووچەی مانگی شوبات لە بەغدا بە باشی بەڕێوە دەچێت، ئەوەی وردبینی كراوە، كێشەی نەبووە، بەڵام تا دوێنێ وردبینی تەواو نەكراوە، چاوەڕوان دەكرێت ئەمڕۆ تەواو بكرێت و تەمویل بنێردرێ”.