بەرنامەی خۆراكی جیهانی: بەشی كەمتر لە دوو هەفتە خۆراك لەناو كۆگاكانی غەززەدا ماوە

SNN-

ماوەی چوار رۆژە ئیسرائیل رێگری لە گەیشتنی هاوكاری مرۆییەكان بە غەززە دەكات و بەرنامەی خۆراكی جیهانیش دەڵێت، بەشی كەمتر لە دوو هەفتە خۆراك لەناو كۆگاكانی غەززەدا هەیە.

بەرنامەی خۆراكی جیهانی نەتەوەیەكگرتووەكان رایگەیاند، بەشی كەمتر لە دوو هەفتە خۆراك لە كۆگاكانی غەززە ماوە بۆ بە كراوەیی هێشتنەوەی چێشتخانە و نانەواخانەكانی سنووری كەرتەكە.

ئاماژەی بەوەشکردووە، بەهۆی بەردەوامی گەمارۆكانی ئیسرائیل بۆ سەر كەرتی غەززە، قەیرانی خۆراك و دەرمان و پێداویستییەكانی رۆژانە لە كەرتەكە دروستبووە و بەشی چەند هەفتەیەكیش سووتەمەنیلە كۆگاكانی سنووری كەرتەكە ماوە.

ئەمەش لە کاتێکدایە، لە رۆژی 3ی ئەم مانگەوە، بەهۆی تەواوبوونی وادەی قۆناغی یەكەمی ئاگربەست، ئیسرائیل گەیشتنی هاوكارییە مرۆییەكانی بە خەڵكی غەززە راگرتووە.