SNN-
سوپای تورکیا گوندی گەڵاڵەی لە سنووری پارێزگای سلێمانی بۆردوومان کرد، لە دواى بڵاوکردنەوەى بانگەوازەکەى رێبەری زیندانیکراوی پەکەکە، بۆ ئاشتی تاوەکو ئێستا سوپاى تورکیا زیاتر لە 10 هێرش و بۆردوومانی لەناو خاکى هەرێمی کوردستان ئەنجامداوە.
کامەران عوسمان، ئەندامی رێکخراوی CPTی ئەمریکی رایگەیاند، کاتژمێر 23:40ی شەوى رابردوو، فڕۆکە جەنگییەکانی تورکیا بە سەختی بۆردوومانی دۆڵی ژاژۆلانیان لە گوندی گەڵاڵەی سەربە شارۆچکەى ماوەت لە پارێزگای سلێمانی کرد.
ئاماژەی بەوەشکردووە، بەهۆی نزیکی بۆردوومانەکە لە ناو شارەدێى گەڵاڵە، تەواوی گوندنشینان هەستیان پێکردووە و خانووەکانیان لەریوونەتەوە.
بەگوێرەى ئامارى رێکخراوی CPTـی ئەمریکی، لە ئێستادا سوپاى تورکیا 71 بارەگاى لە هەرێمى کوردستان هەیە و تەنیا لە ساڵى 2024 بەهۆى بۆردوومانى سوپاى تورکیاوە نۆ هاونیشتمانىی گیانیان لەدەستداوە.
