“لە لازقییە رەشەکوژی بەرامبەر هاووڵاتیانی سڤیل ئەنجامدراوە”
چەکدارانی تەحریر شام
SNN
روانگەی سوری بۆ مافەكانی مرۆڤ، لە راگەیەندراوێكدا بڵاویكردەوە، لە پارێزگای لازقییە و بەشێكی زۆری ناوچەكانی سەر بەو پارێزگایە، رەشەكوژی بەرامبەر هاووڵاتییانی مەدەنی ئەنجامدراوە و نزیكەی 158 كەس گولـلەباران كراون.
ئاماژەی بەوەشكرد، “بەشێكی زۆری ئەو كەسانەی كە لە گرژی و ئاڵۆزییەكانی پارێزگای لازقییە-دا كوژراون، هاوڵاتیی مەدەنین و منداڵ و ژنیشیان تێدایە”.
لەبارەی كوژراوانی نێوان هێزەكانی نوێی سوریا و چەكدارەكانی سەر بە پارێزگای لازقییە روانگەی سوری ئاشكراشیكردووە، 34 ئەندامی سوپای نیشتمانی و ئاسایشی گشتی لە پێكدادانەكاندا كوژراون و 42 كەسی دیكەش لە چەكدارەكانی لازقییە لە دەشتاییەكانی ئەو پارێزگایە و جەبلە كوژراون”.
