سێ کێڵگەی نوێی غاز لە سلێمانی هەڵدەکەندرێت و دەبێتە یەکەم پارێزگا بۆ بەرهەمهێنانی غاز
SNN
لە کێڵگەی غازی کۆرمۆر لە قەزای چەمچەماڵ سێ بیری نوێی غاز هەڵدەکەندرێت کە پارێزگای سلێمانی لەسەر ئاستی عێراق دەکاتە یەکەم پارێزگا بۆ بەرهەمهێنانی غاز.
سەرچاوەیەک لە وەزارەتی نەوتی عێراق، ئەوەی ئاشکراکرد، پلانێکی ورد دارێژراوە تا ساڵی 2026، بۆ زیادکردنی بەرهەمهێنانی غاز لە هەرێمی کوردستان هەیە، بۆیە سێ بیری نوێ لە کێڵگەی کۆرمۆری چەمچەماڵ هەڵدەکەندرێت، کە کۆمپانیای “دانە غاز” بە هاوکاری چەند کۆمپانیایەکی دیکە ئەو کارە ئەنجام دەدات و ئەمەش وا دەکات پارێزگای سلێمانی ببێتە یەکەم پارێزگا بۆ بەرهەمهێنانی غاز لەسەر ئاستی عێراق.
ئەو سەرچاوەیەی وەزارەتی نەوتی عێراق ئەوەشی روونکردەوە کە بە زیادبوونی بەهەمهێنانی غاز لە هەرێم لە 250 مقمق-ەوە بۆ 750 مقمق، کاریگەری گەورەی دەبێت لەسەر بەرهەمهێنانی کارەبا.
