SNN-
پاش ئەو فشارانەی بوونە هۆی دەستلەكاركێشانەوەی جەستن ترودۆی سەرۆك وەزیران، پارتی لیبڕاڵی كەنەدا سەرۆك وەزیرانێكی نوێی دیاركرد كە دژایەتییەكی سەرسەختی ترەمپ دەكات.
پارتی لیباڕڵی كەنەدا لە راگەیەندراوێكدا بڵاویكردەوە، بە زۆرینەی دەنگ و بەڕێژەی 85.9%، مارك كارنی وەك رابەڕی پارتەكەیان هەڵبژێردرا و پۆستی سەرۆك وەزیرانی وڵاتەكەش وەردەگرێت، بە یەكێك لە ركابەرە سەرسەختەكانی ترەمپ دادەندرێت و لە نزیكترین كاتیشدا پۆستی سەرۆك وەزیران وەردەگرێت و دۆخی راگوزەر بۆ كەنەدا كۆتایی دێت.
لای خۆیەوە مارك كارنی، سەرۆك وەزیرانی نوێی كەنەدا لە وتارێكدا كە راستەوخۆ بە هێرشكردنە سەر ترەمپ دەستیپێكرد و رایگەیاند، “سەرۆكی ئەمریكا هێرشدەكاتە سەر تەواوی ئەو مێژووەی ئێمە بوونیادمان ناوە، دەیەوێت ئەوەی بەدەست هێندراوە تێكی بدات و سەرلەبەری وێران بكات، ئێمە رێگە بەو كارە نادەین و بە تەواوی هێزی خۆمان رووبەڕووی ئەو بەرژەوەندییە تاك دیدییەی ترەمپ دەبینەوە.”
باسی لەوەشکرد، سزای توندی بەرهەم، كارساز و تەواوی كۆمپانیاكانی وەبەرهێنانی ئەمریكا لە وڵاتەكەمان دەدەین و باجی زۆریش دەخەینە سەر سنوورە بازرگانییەكانمان لەگەڵ ئەمریكا تا ئەوكاتەی رێز لە سەروەریی وڵاتەكەمان دەگرێت.
