لێخۆشبوونی سەرپێچی هاتووچۆ تاوەکو ناوەڕاستی ئەمساڵ درێژكرایەوە

SNN-عەلی حەمە سەعید
لە كۆبوونەوەی ئەمڕۆی ئەنجوومەنی وەزیرانی هەرێم بڕیاردرا لەسەر درێژكردنەوەی بڕیاری لێخۆشبوون بۆ سزاكانی كامێرای هاتووچۆ تا 1/6/2025، ئەوەش دوای ئەوەی ئەو وادەیە لە مانگی دووی ئەمساڵ كۆتایی هاتبوو.

بەگوێرەی ئەو زانیاریانەی كە لە كۆبوونەوەی ئەمڕۆی ئەنجومەنی وەزیرانی هەرێم دەست SNNكەوتووە ئەوەخراوەتەڕوو، لە تەوەرەیەكی كۆبوونەوەكەی ئەمڕۆی ئەنجومەنی وەزیرانی هەرێم بەكۆی دەنگ بڕیاردرا كە لێخۆشبوونی لە %20 لە سزای كامێراكانی هاتووچۆ درێژ بكرێتەوە.

ئاماژە بەوەشكراوە، ئەو بڕیارە لێخشبوونی لە %20 ی سزاكانی هاتووچۆ دەگرێتەوە و هاوكات ئەو بڕیارە تا 1/6/2025 كاری پێدەكرێت و دواتر ئەنجومەنی وەزیران بڕیاردەدات جارێكی دیكە درێژی بكاتەوە یاخود كۆتایی بەو لێخۆشبوونە بهێنێت.