ترەمپ لە نامەیەکدا ئێران ئاگادار دەکاتەوە

SNN

ترەمپ نامەیەکی ئاڕاستەی رێبەری باڵای ئێران کردووە و رایگەیاندووە، تەنها دوو مانگ مۆڵەت کە پەرە بە پێشخستنی بەرنامە ئەتۆمییەکان نەدەن.

پێگەی هەواڵی ئەکسیۆسی ئەمریکی لەزاری چەند سەرچاوەیەکی ئەمریکاوە ناوەڕۆکی نامەکەی دۆناڵد ترەمپ بۆ ئایەتوڵڵا عەلی خامنەییی رێبەری باڵای ئیسلامی ئێران ئاشکراکردووە و رایگەیاندووە، تەنها دوو مانگ مۆڵەت هەیە بۆ رێککەوتنێکی نوێی ئەتۆمی، هاوکات پێشنیازی دانوستان دەکات لەسەر رێککەوتنەکە.

دۆناڵد ترەمپ، سەرۆکی ئەمریکا لە بەشێکی نامەکەیدا هۆشداریی توندی بە خامنەیی داوە لە بەردەوامیدان بە پێشخستنی بەرنامە ئەتۆمییەکەیان.

کۆشکی سپی پێش ناردنی نامەکە بۆ ئێران، ئیسرائیل و سعودیە و ئیماراتی لە ناوەڕۆکی نامەکەی ترەمپ بۆ خامنەیی ئاگادار کردۆتەوە.