” هەموو هەوڵەکان بۆئەوەیە پێش جەژن مووچەی مانگی سێ دابەشبکرێت”

SNN-

کەناڵی کوردسات نیوز بڵاویکردووەتەوە کە، ئەمرۆ شەممە سەرەڕای ئەوەی پشووی فەرمییە، وەزارەتی دارایی عێراق بۆ دووەم رۆژ بەردەوامە لە وردبینیكردنی لیستی مووچەی مانگی سێی مووچەخۆرانی هەرێم و تەواوكردنی رێكارە كارگێڕییەكان بۆ دابینكردنی مووچەی وەزارەت و فەرمانگەکانی عێراق.

دەشڵێت:”هەوڵەكان چڕكراونەتەوە بۆ ئەوەی بەر لە جەژنی رەمەزان، مووچەی موچەخۆرانی هەرێمی كوردستانیش دابین بكرێت، پێدەچێت ناوەڕاستی هەفتەی داهاتوو رێكارەكان تەواو بكرێن.

ئەوەش لە كاتێكدایە رۆژی چوارشەمەی رابردوو وەزارتی دارایی هەرێم لە رێگەی لیژنەیەكەوە، لیستی مووچەی مانگی سێی مووچەخۆرانی هەرێمی رادەستی وەزارەتی دارایی عیراق كرد، لە ئێستاشدا وردبینیكردنی لیستەكە بەردەوامە.