سەرچاوەیەك: پێش جەژن مووچەی مانگی سێی فەرمانبەرانی هەرێم دابەشدەكرێت

SNN-

رێكارەكانی وەرگرتنی تەموویلی مووچەی مانگی سێی فەرمانبەرانی هەرێمی كوردستان لە قۆناغی كۆتایدایە و ،پێشبینیش دەكرێت لەم هەفتەیەدا  لیستی مووچە بڵاوبكرێتەوەو پێش جەژنی رەمەزانی پیرۆز مووچەی مانگی سێ‌ دابەشبكرێت.

دوای ئەوەی تیمی تەكنیكی وەزارەتی دارایی و ئابووری هەرێم  رایگەیاند، سەرجەم رێكارەكان وەرگرتنی تەموویلی مووچەی مانگی سێی مووچە خۆرانی هەرێم لە قۆناغی كۆتایدایەو چاوەڕێ دەكرێت لە نزیكترین كاتدا تەموویلی مووچەلەلایەن وەزارەتی دارایی حكومەتی فیدراڵەوە بخرێتە سەر هەژماری  هەرێم.

سەرچاوەیەكیش لە وەزارەتی درایی هەرێم رایگەیاند، وردبینی لە  لیستی مانگی سێی مووچەی مووچەخۆرانی هەرێم بەبێ كێشە تەواو بووە و لیستەكە ئێستا خراوەتە بەردەمی تەیف سامی، وەزیری دارایی حكومەتی عیراق بۆ ئەوەی ئیمزا لەسەر ناردنی پارەكە بكات.

هەر بەپێی ئەو سەرچاوەیە، پێشبینی دەكرێت لەم هەفتەیەدا لیستی مووچە بڵاوبكرێتەوە و سەرجەم وەزارەت و دەستەو بەرێوەبەرایەتییەكانی هەرێم پێش جەژنی رەمەزان مووچەی مانگی سێ‌ وەربگرن.