ئێران: بەڵگەنامەی ساختەی عێراقمان بەکارنەهێناوە بۆ فرۆشتنی نەوتەکەمان
ئاڵاى ئێران و عێراق | فۆتۆ: IRNA
SNN-
جێگرى وەزیرى بازرگانى ئێران لێدوانەکەى وەزیرى نەوتى عێراق لەبارەى بەکارهێنانى بەڵگەنامەى ساختە بۆ فرۆشتنى نەوتى وڵاتەکەى بەبێ بنەما ناودەبات و بە بەشێک لە سیاسیەتى ئەمریکا ناوى دەبات.
عەلى محەمەد موسەوى, جێگرى وەزیرى بازرگانى ئێران رایگەیاند، پڕۆسەى فرۆشتنى نەوتى ئێران بەپێى پێوەرە قبوڵکراوەکانى بازرگانى بەرێوەدەچێت.
دەشڵێت:” لێدوانەکەى وەزیرى نەوتى عێراق لەبارەى بەکارهێنانى بەڵگەنامەى ساختە لە فرۆشتنى نەوتى ئێراندا چەواشکارى تێدایە و ئەو لێدوانە لەسەربنەماى پڕوپاگەندەى بەرپرسانى ئەمریکى دراوە و دوورە لە راستیەوە و هیچ بنەمایەکى نییە”.
ئەوەش لەکاتێکدایە رۆژى دوشەممە حەیان عەبدولغەنى وەزیرى نەوتى عێراق رایگەیاند: لە فرۆشتنى نەوتى ئێراندا بەڵگەنامەى ساختەى عێراقى بەکارهێنراوە.
