وتەبێژی کۆمیسیۆن: ئەمڕۆ دەستبە نوێکردنەوەی تۆماری دەنگدەران دەکەین

SNN

جومانە غەلای، لە کۆنگرەیەکی رۆژنامەوانیدا رایگەیاند، ئەمڕۆ دەست بە نوێکردنەوەی تۆماری دەنگدەران دەکەین، ئامادەکارییەکان بۆ هەڵبژاردنی پەرلەمانی عێراق دەستپێدەکەین.

ئەمڕۆ چوارشەممە 26ی ئادار، جومانە غەلای، وتەبێژی کۆمسیۆنی هەڵبژاردنەکانی عێراق لە کۆنگرەیەکی رۆژنامەوانیدا رایگەیاند، لەمڕۆوە دەست بە نوێکردنەوەی تۆماری دەنگدەران دەکرێت.

ئاماژەی بەوەکردووە، بۆ هەڵبژاردنی داهاتووی پەرلەمانی عێراق، زیاتر لە 29 ملیۆن هاووڵاتیی عێراقی دەتوانن دەنگ بدەن، هاوکات ڕێگە نادرێت هیچ کەسێک تۆماری دەنگدەرانی بۆ پارێزگای کەرکوک بگوازێتەوە.

ئەوەشی خستووەتە ڕوو، لە دایکبووانی 2007 دەتوانن بەشداری دەنگدان دەکەن کە ژمارەیان زیاترە لە ملیۆنێک دەنگدەر.