ئەمڕۆ ئەم شوێنانە مووچەی مانگی سێ وەردەگرن

SNN

ئەمڕۆ هەینی مووچەخۆرانی 23 وەزارەت و دەستەی حکومەتی هەرێم مووچەی مانگی سێ وەردەگرن.

ئەمڕۆ هەینی 28ی ئادارا، لەگەڵ ئەوەی پشووە و زۆرینەی دامەزراوە حکومییەکان دەوامیان نییە بەڵام بەهۆی دابەشکردنی مووچەوە دەوامی هەندێک شوێن بەردەوامە و مووچەی مانگی سێی تێدا دابەشدەکرێت.

بەگوێرەی لیستی مووچەی مانگی سێ کە وەزارەتی دارایی و ئابوری حکومەتی هەرێم بڵاویکردووەتەوە، ئەمڕۆ مووچەی خانەنشینی پێشمەرگە، کاروباری شەهیدان و ئەنفالکراوان، پەروەردە، دارایی و ئابووری، دەستەی دەستپاکی، دەستەی وەبەرهێنان، دەستەی ژینگە، دەزگا و مین، ناوچەکانی دەرەوەی هەرێم، کۆمسیۆنی باڵای هەڵبژاردن، دیوانی چاودێری دارایی، مافی مرۆڤ، ئاوەدانکردنەوە و نیشتەجێکردن، تەندروستی، ناوخۆ، داد، ئەنجومەنی دادوەری، پلاندانان، بازرگانی و پیشەسازی، سامانە سروشتیەکان، گواستنەوە و گەیاندن، کشتوکاڵ و سەرچاوەکانی ئاوییەکان، شارەوانی و گەشتوگوزار دابەش دەکرێت .

هاوکات، وەزارەتی دارایی و ئابووری حکومەتی هەرێم ڕۆژی چوارشەممە، لیستی دابەشکردنی مووچەی مانگی سێی بڵاوکردەوە، بە سێ ڕۆژ سەرجەم مووچەی مووچەخۆرانی هەرێم دابەشدەکرێت.