بەرزبوونەوەی نرخی زێڕ ئاستێکی نوێی تۆمارکرد

SNN-

نرخی یەک ئۆنسە زێڕ ئەمڕۆ لە دوای کردنەوەی بازاڕەکانی ئاسیا، ئاستێکی نوێی پێوانەیی تۆمارکرد و بە 3144 دۆلار مامەڵەی پێوەکرا.

نرخی یەک ئۆنسە زێڕ ئەمڕۆ سێشەممە، 1-4-2025، 24 دۆلاری دیکە بەرزبووەوە، جگە لە پێناسە گومرگییەکان، تەشەنەکردنی مەترسییە جیۆسییاسییەکان لە بازاڕەکان، خواستی بۆ کڕینی زێڕ بەرزکردووەتەوە.

نرخی زێڕ لەمساڵدا نزیکەی 20٪ بەرزبووەتەوە، ساڵی 2024یشدا بەڕێژەی 27٪ بەرزبوونەوەی بەخۆیەوە بینیبوو.

شرۆڤەکاران پێیانوایە لەرووی تەکنیکییەوە، نرخی زێڕ لە ڕادەبەدەر بەرزبووەتەوە و لە ئاستێکدایە کە ئەگەری دابەزینی لێدەکرێت، بەڵام کڕیاران و بازرگانان گوێیان لەو ئاماژە تەکنیکییانە نییە و بەردەوامن لە کڕینی زێڕ، بەرزبوونەوەی نرخی زێڕ بەپێی ڕای شرۆڤەکاران، بەهۆی نادڵنیایی پەیوەست بە پێناسە گومرگییەکانە.

ئەمەش لە کاتێکدایە، نرخی یەک مسقاڵ زێڕی عەیار 21، دوێنێ لە بازاڕەکانی هەرێمی کوردستان گەیشتە 645 هەزار دینار، بۆیە چاوەڕوان دەکرێت ئەمڕۆ لەکاتی کردنەوەی بازاڕەکانی هەرێمی کوردستان دا، نرخی بەرزتریش ببێتەوە.