سودانی گرووپە چەکدارەکانی ناو عێراق ئاگادار دەکاتەوە
محهمهد شیاع سودانى، سهرۆكوهزیرانى عێراق | فۆتۆ: IFG
SNN
سەرۆکوەزیرانی عێراق لە پەیامێکیدا گرووپە چەکدارەکان ئاگادار دەکاتەوە و رایدەگەیەنێت، ئەگەر خۆیان هەڵنەوەشێننەوە و ئەمریکا هێرش دەکاتە سەریان.
ئاژانسی رووەیتەرز ئاشکرایکردووە، محەمەد شیاع سودانی، سەرۆكوەزیرانی عێراق گرووپە چەكدارەكانی ئاگاداركردووەتەوە لەوەی كە ئەگەر خۆیان هەڵنەوەشێننەوە، ئەوا ئەمریكا هێرشی ئاسمانی دەكاتە سەریان.
هاوکات، بەشێک لە گرووپە چەكدارەكان ئامادەی چەكدانانن و بەشێك لەو گرووپانە بارەگاكانیان چۆڵكردووە، لەهەمان کاتدا سودانی پێداگرە لەسەر هەڵوەشاندنەوەی ئەو گرووپانە.
بەگوێرەی میدیای عێراقییەکان، گفتوگۆی گروپە چەکدارییەکان لەگەڵ سودانی پێشکەوتنی باشی هەبووە، بە جۆرێک بەشێکیان بارەگاکانیان لە ئەنبار و موسڵ چۆڵکردووە و خۆیان هەڵدەوەشێننەوە.
