دووبارە چین ڕێژەی باجی لەسەر سەر کاڵا ئەمریکییەکانی بۆ 125٪ بەرزکردەوە

SNN

وەک وەڵامێک بۆ زیادکردنی باج لەسەر بەرهەمەکانیان لەلایەن ئەمریکاوە، چین بۆ جاری دووەم باجی گومرگی بەسەر کاڵاکانی ئەمریکا بۆ 125٪ بەرز کردەوە.

وەزارەتی دارایی چین ئەمڕۆ هەینی رایگەیاند، پێشتر باجی گومرگیان لەسەر کاڵاکانی ئەمریکا بۆ لە ٪85 بەرزکردبووەوە بەڵام ئەمڕۆ باجەکەیان بۆ لە ٪125 زیادکردووە، ئەوەش وەکو وەڵامێکە بۆ سەپاندنی باجی زیاتر لەلایەن ئەمریکاوە بەسەر کاڵای هاوردەکراوی چین.

ئەمە لەکاتێکدایە، پەکین رووبەڕووی پێناسێکی 145٪ لەسەر هەندێک لە کاڵاکانی خۆی دەبێتەوە کە بۆ ئەمریکا هەناردە دەکرێن.

شی جینپینگ، سەرۆکی چین داوای لە یەکێتیی ئەورووپا کرد کە لەگەڵ پەکین دژی “زۆردارییەکانی” ئەمریکا بوەستن و وتی “لە شەڕی باجی گومرگیدا هیچ کەس براوە نییە”.

ئەم هەنگاوە دوای ئەوە دێت، دۆناڵد ترەمپ، سەرۆکی ویلایەتە یەکگرتوەکانی ئەمەریکا، بۆ ماوەی 90 ڕۆژ سزای زیادکردنی باجی گومرگی لەسەر دەیان وڵات ڕاگەیاند، بەڵام باجەکانی لەسەر چین بۆ 125% بەرزکردەوە.