سودانی ئەمڕۆ دێتە هەرێمی کوردستان

SNN

بەگوێرەی زانیارییەکان، بڕیارە پێش نیوەڕۆی ئەمڕۆ شەممە 12ی نیسان، محەممەد شیاع سوودانی، سەرۆکوەزیرانی عێراق بگاتە شاری هەولێر.

سوودانی لە سەردانی بۆ هەولێر لەگەڵ مەسعوود بارزانی و سەرۆکوەزیران مەسرور بارزانی کۆدەبێتەوە و تاوتوێی چەند پرسێک لەوانە پەیوەندیەکانی نێوان هەولێرو بەغدا، پرسی هەناردەکردنەوەی نەوتی هەرێمی کوردستان و هەڵبژاردنەکانی داهاتووی پەرلەمانی عێراق کێشە هەڵپەسێردراوەکانی نێوان هەولێرو بەغدا.

لەدوای دەستبەکاربوونی وەک سەرۆکوەزیرانی عێراق، ئەمە جاری چوارەمە محەممەد شیاع سوودانی، سەردانی هەرێمی کوردستان دەکات، جاری یەکەم لە مانگی سێی ساڵی 2023 بوو، سەردانی دووەمیان لە مانگی حەوتی هەمان ساڵدا بوو، جاری سێیەمیش لە نۆڤەمبەری ساڵی ڕابردوو بوو ، بەڵام ئەمە یەکەم سەردانییەتی لە ساڵی 2025.