ئومێد بەرۆشكی یەکێک لە گیراوانی بادینان، لەنێو زیندان سزایەکەی دیکە درا

SNN-عەلی حەمە سەعید

یەكێك لە زیندانیكراوانی بادینان كە تا ئێستا ئازاد نەكراوە، ڕێگری لێدەكرێت لە پەیوەندیكردن بە خانەوادەكەیەوە، ئەوەش پێچەوانەی یاسا و پێشێلكردنی مافەكانی مرۆڤە.

بەگوێرەی ئەو زانیارییانەی كە دەست SNNكەوتوون ئەوەخراوەتەڕوو، ماوەی هەفتەیەكە لەلایەن ئیدارەی زیندانەوە ڕێگەنادرێت (ئومێد بەرۆشكی) یەكێك لە ڕۆژنامەنوسان و چالاكوانانی بادینان پەیوەندی بە كەسوكاركەیەوە بكات لە ناو زیندانەوە، لەكاتێكدا ئەوە مافێكی سەرەتایی هەر سزادراوێكە.

ئاماژەی بەوەشكرد،:پارێزەر و كەسوكارەكەی لە چاوەڕوانی ئەوەدابوون كە پێداچوونەوە بە هەڵوەشاندنەوەی بڕیاری دادگای كەتنی دهۆك بدرێت لەسەر سزادانی رۆژنامەنوس و چالاكوان ئومێد بەرۆشكی، بەڵام بە پێچەوانەوە لەو زیندانەوە سزایەکی دیكەی بەسەردا سەپێندراوە.

بەگوێرەی یاسا ئەم شێوازە مامەڵەكردنە لەگەڵ سزادراوان لەناو زیندان، پێشێلكارییە بەرامبەر مافی بەندكراو بەپێی جاڕنامەی جیهانی مافەكانی مرۆڤ‌ و ڕێكەوتننامە نێودەوڵەتیەكان بۆ مافەكانی مرۆڤ‌ و دەستووری عێراق ‌و یاسا بەركارەكانی چاكسازی لەعێراق‌ و هەرێمی كوردستانە.