“شانازی بە دەستکەوتەکانی سلێمانییەوە دەکەین”

SNN

محەمەد شیاع سودانى، سەرۆک وەزیرانى عێراق لە دیدارى سلێمانى رایگەیاند، شانازى بە دەستکەوتەکانى سلێمانییەوە دەکەین.

دەشڵێت، سوپاسی ئەو کەسانە دەکەین کە ئەرکی ئەم پانێڵەیان خستووەتە سەر شانی خۆیان و ئێمەش دەمانەوێت لە رێگەی دیداری سلێمانییەوە عێراق بێتە ئاستی یەکەم لە هەموو بوارەکان و لە نێوان وڵاتانی ناوچەکەدا.

روونیشی دەکاتەوە، شارەکانی عێراق بەشێوەیەکی گشتی بەرەوپێشچوونی بەخۆوە بینیوە، ئێمە دڵخۆشین لە ماوەی ئەم دوو ساڵ و نیوەی حکومڕانییەدا عێراقمان زیاتر بەرەو پیشەوە بردووە، بوونی توانایەکی زۆری گەنجان لە وڵاتەکەدا چەکێکی کاریگەرە بۆ بەرەوپێشبردنی زیاتری وڵاتەکەمان.

بە هیچ جۆرێکیش لامان قبوڵ نییە کە کێبڕێکی سیاسی ببێتە هۆی لێدان لە دەستکەوتەکانی حکومەت و وڵات، بۆیە دەبێت حکومەت کێبڕکێ بکات بۆ پێشکەشکردنی باشترین خزمەت بە هاووڵاتیان و ژیان و گوزەرانی هاووڵاتیان.