ئەمریکا سەرچاوەیەکی داهاتی حوسییەکانی لەناوبرد

SNN

هێزەکانی ئەمریکا شەوی رابردوو بۆردومانی سەکۆی سووتەمەنی لە بەندەری رەئس عیسایان کرد و بە پێی سەرچاوە یەمەنیەکانیش هێرشەکە زیاتر لە 130 کوژراو و برینداری لێکەوتووەتەوە.

فەرماندەیی ناوەندیی هێزەکانی ئەمریکا بڵاویکردەوە، بەمەبەستی وشککردنی سەرچاوە داراییەکانی حوسییەکانی یەمەن سەکۆی سووتەمەنی رەئس عیسایان بۆردومان کردووە.

راشیگەیاندووە، حوسیەکان ماوەی زیاتر لە 10 ساڵە دەستیان بەسەر ئەو بەندەرەدا گرتووە و لە بری ئەوەی داهاتەکەی بۆ گەلی یەمەن بەکاربهێندرێت، خراوەتە خزمەت کردەوەکانی ئەو گروپەوە.

جەختیشی کردووەتەوە، ئامانج لەو هێرشەیان بۆ سەر بەندەرەکە زیان گەیاندن بە گەلی یەمەن نەبووە، بەڵکی دەیانەوێت ئەو گەلە لە حوسیەکان رزگار بکەن و بگەنە ژیانێکی ئاشتیانە.

هاوکات راشیگەیاندووە، کە جیهان بە قاچاخبردنی سووتەمەنی و کەرستەی جەنگ بۆ حوسییەکان قەبوڵ ناکات.

لەلایەکی دیکەوە سەرچاوە یەمەنییەکان بڵاویان کردەوە، بەهۆی ئەو هێرشەوە، لانیکەم 38 کەس کوژراون و زیاتر لە 100 کەسیش برینداربوون.