عومەر گوڵپی: ماتۆڕێک بایی 150 هەزار دینارە، بەڵام رسووماتی تۆماکردنەکەی 350 هەزارە

SNN

ئەندامێکی خولی پێشووی پەرلەمانی کوردستان رەخنە لە زیادکردنی باج و رسومات لە کابینەی نۆیەمی حکومەتی هەرێم دەگرێت و ئاماژە بەوەدەکات کە تچووی تۆمارکردنی ماتۆڕسکیل لە بەڕێوەبەرایەتی هاتووچۆ زیاتر لە دوو هێندەی نرخی ماتۆڕسکیلەکەیە.

عومەر گوڵپی، ئەندامی خولی پێشووی پەرلەمانی کوردستان رایگەیاند: لە کابینەی نۆیەمدا بە چەندین رێگەی جیاواز و لە زۆرینەی بوارەکاندا هێندە باج و رسومات لەسەر هاووڵاتیان زیادکراوە کە هەندێکیان مایەی پێکەنین و سەرسوڕمانن.

ئاماژەی بەوەشکردووە، ماتۆڕێک خۆی بایی 150 هەزار دینارە، کەچی ڕسوماتی تۆمارکردنەکەی لە بەڕێوەبەرایەتی هاتوچۆ 350 هەزار دیناری تێدەچێت!

راشیگەیاندووە، “هەزاران کەس لەبەر هەژاریی و نەبوونی بۆ کارو کەسابەت تەنها توانیویانە ماتۆڕێک بکڕن!، پاشان ئەم ڕسوماتە زۆرە تەنها بارگرانییە بۆ گیرفانی ئەوانەی کە یاساییانە ماتۆڕ بەکاردەهێنن، هیچ کاریگەریی لەسەر سەرپێچیکاران نییە.”