محەمەد شیاع سودانی: پشتیوانی لە کاردیناڵ لویس رافایل یەکەم ساکۆ دەكەين وەک تاکە کاندید لە رۆژهەڵاتی ناوەڕاست

SNN-

محەمەد شیاع سودانی، سەرۆك وەزیرانی عێراق بڵاویکردەوە، پشتیوانی لە کاردیناڵ لویس رافایل یەکەم ساکۆ دەكەين، وەک تاکە کاندید لە ناوچەی رۆژهەڵاتی ناوەڕاست بۆ شوێنگرتنەوەی پاپای کۆچکردوو.

مار لویس ڕافایل ئای ساکۆ خەڵکی زاخۆیەو 4ی تەمموزی 1948 لەدایکبووە، لەساڵی 1974 لەئەپستۆریای کلدانەکانی موسڵ وەک قەشە دەستنیشانکراوە، لەساڵی 1983 دکتۆرای لەزانکۆی پاپایی ڕۆما و لەساڵی 1984 بڕوانامەی ماستەری لەفیقهی ئیسلامی‌و لەساڵی 1986 دکتۆرای لەزانکۆی سۆربۆن بەدەستهێناوە.

لەساڵی 2002 بەقەشەی ئەپستۆریای کەرکوک هەڵبژێردراو ساڵی دواتر بۆ هەمان پۆست دەستنیشانکرایەوە، لەیەکەمی شوباتی 2013 لەکۆبونەوەی ئەنجومەنی کڵێسا لەڕۆما بەپاتریارکی کەنیسەی کلدان هەڵبژێردرا، لە 1ی شوباتی 2013 لەشوێنی پاتریارکی دەستلەکارکێشاوەی ئیمانوێلى سێیەم جێگەی گرتەوە، لەمانگی یەکی ساڵی 2022 وەک ئەندامی ئەنجومەنی ئابوری ڤاتیکان دەستنیشانکرا.