وەزارەتی پلاندانانی عێراق نەخشەی پارێزگای هەڵەبجەی پەسەند کرد

عەلی حەمەسەعید-SNN

ئەندامێکی پەرلەمانی عێراق لەفراکسیۆنی یەکێتی ئاشکرایکرد کە پلاندانانی عێراق وەک پارێزگای 19هەمینی عێراق نەخشەی سنووری پارێزگای هەڵەبجەی پەسەندی کردوە.

چرۆحەمەشەریف، ئەندامی ئەنجومەنی نوێنەرانی عێراق لەفراکسیۆنی یەکێتی بە SNNی ڕاگەیاند: وەزارەتی پلاندانانی عێراق سنووری پارێزگای هەڵەبجەی وەک 19یەمین پارێزگای عێراق پەسەندکرد، کە رۆژی 14/4/2025 پەرلەمانی عێراق یاساکەی تێپەڕاند.

ئاماژەی بەوەشکرد، بەپێی نەخشەکە سنووری پارێزگاکە ناحیەکانی سیروان و خورماڵ و بیارە و بەمۆ دەگرێتەوەو قەزای هەڵەبجەش ناوەندی پارێزگاکەیە.

سنووری دەرەوەی پارێزگاکە هەموو بە کۆماری ئیسلامی ئێرانەوەیەو لەناوخۆش هاوسنوری پارێزگاکانی سلێمانی و دیالەیە.

ئەو پەرلەمانتارەی یەکێتی ئەوەشی خستەڕوو، لەخشتەکەدا هێشتا خورماڵ وەک ناحیە ناوی هاتوە هەرچەندە لەلایەن حکومەتی هەرێمەوە کراوە بە قەزا، هاوکات نەخشەکە لەلایەن وەزیری پلاندانانی عێراق د. محەمەد تەمیم و بەرێوەبەرایەتی و بەشە پەیوەندارەکانی وەزارەتەکەوە واژۆ کراوە.