ئەمڕۆ سەرۆککۆماری عێراق واژو لەسەر بە پارێزگابوونی هەڵەبجە دەکات

SNN-

بڕیارە کاتژێر 11:00ی پێشنیوەڕۆی ئەمڕۆ سێشەممە د. لەتیف رەشید سەرۆککۆماری عێراق لە کۆشکی بەغداد بە فەرمی واژو لەسەر یاسای بە پارێزگابوونی هەڵەبجە بکات

ئامانج رەحیم، سکرتێری ئەنجوومەنی وەزیرانی حکومەتی هەرێمی کوردستان رایگەیاند: ئەمڕۆ (یاسای بەپارێزگابوونی هەڵەبجە لە کۆماری عێراقی فیدڕاڵ) لە لایەن سەرۆکایەتی کۆماری عێراق اصدار دەکرێت، و ڕۆژی دووشەممەی هەفتەی داهاتوو لە (ڕۆژنامەی وەقایعی عێراقی) بڵاودەکرێتەوە،.

دەشڵێت: بە گوێرەی ماددەی چوارەمی یاساکە، لە ڕۆژی بڵاوکردنەوە لە ڕۆژنامەی فەرمیی بە پارێزگابوونی هەڵەبجە دەکەوێتە بواری جێبەجێکردنەوە و لە دووشەممەی داهاتوو (5 ـی ئایاری 2025) بە فیعلیی پارێزگای هەڵەبجە دەبێتە 19ـەهەمین پارێزگای عێراق.