“خەباتی ئۆندەر بۆ ئاشتی و پێكەوەژیان جێگەی خۆی لە یادەوەری گەلاندا گرتووە”

SNN

مەزڵوم عەبدی، فەرماندەی گشتیی هێزەكانی سوریای دیموكرات (هــ.ەسەدە)، لە پلاتفۆڕمی (ئێكس) پەیامێكی بۆ كۆچی دوایی سری سورەیا ئۆندەر، ئەندامی وەفدی ئیمڕاڵی دەم پارتی و جێگری سەرۆكی پەرلەمانی توركیا بڵاوكردەوە و نووسیویەتی بەخەمێكی گەورەوە هەواڵی كۆچی دوایی سری سورەیا ئۆندەر، سیاسەتمەدار و ئەندامی وەفدی ئیمراڵییان پێگەیشت، ماندوبوون و خەباتی ئەو بۆ ئاشتی و چارەسەری و پێكەوەژیان جێگەی خۆی لە دڵ و یادەوەری گەلاندا گرتووە.

لە كۆتایی پەیامەكەیدا، عەبدی سەرەخۆشی لە بنەماڵە و هاوڕێیانی سری سورەیا ئۆندەر و پارتی یەكسانیی و دیموكراسیی گەلان دەم-پارتی و هەموو ئاشتیخوازان كردووە.