نرخی کارەبای موەلیدە بۆ مانگی چوار دیاریکرا

SNN-

بەڕێوەبەرایەتی کارەبای سلێمانی نرخی کارەبای موەلیدەی بۆ مانگی چوار بڵاوکردەوە و رایگەیاند: نرخی یه‌ك ئه‌مپێر كاره‌بای موه‌لیده‌ی ئه‌هلی گه‌ڕه‌كه‌كان له‌ ناوشاری سلێمانی له‌نێوان (6500) بۆ (7500) دیناره‌.

بەڕێوەبەرایەتییەکە لە راگەیەندراوێکدا بڵاویکردووەتەوە کە ئه‌مڕۆ سێشە‌ممه‌ 6/5/2025 لیژنەی دیاریكردنی نرخی موه‌لیده‌ ئه‌هلییه‌كان کۆبووەوە و به‌پێی نرخی سوته‌مه‌نی له‌ بازاڕه‌كاندا نرخی هه‌ر كاتژمێرێك کارەبای موەلیدە بۆ یه‌ك ئه‌مپێر (42) دینارە،‌ به‌مه‌ش نرخی یه‌ك ئه‌مپێر كاره‌بای موه‌لیده‌ی ئه‌هلی گه‌ڕه‌كه‌كان له‌ ناوشاری #سلێمانی له‌نێوان (6500) بۆ (7500) دیناره‌، بەو پێیەى موەلیدەکان لە نێوان (155 بۆ 179) کاتژمێر کاریان کردوە.

خشته‌ی كارپێكردنی موه‌لیده‌ش بۆ مانگى (5) تا به‌رواری 15/5/2025 بەمشێوەیە دەبێت:
🔹رۆژانە لەکاتژمێر 12ی نیوەڕۆ تا 1ی شەو کاردەکەن.
🔹کاتژمێر 1ی شەو دەکوژێتەوە تا 6:30 ی بەیانی.
🔹کاتژمێر 6:30 ی بەیانی تا 8:00 ی بەیانی کاردەکەن.
🔹کاتژمێر8 ی بەیانی تا 12 ی نیوه‌ڕۆ کارناکەن.

لیژنه‌ی دیاریكردنی نرخی موه‌لیده‌ ئه‌هلییه‌كان، جه‌ختیان له‌وه‌كردوه‌ته‌وه‌ كه‌ له‌كاتی كوژاندنه‌وه‌ی كاره‌بای نیشتیمانی نابێت كارپێكردنی موه‌لیده‌ و پێدانی كاره‌با به‌هاوڵاتیان له‌ (5) خوله‌ك زیاتر بخایه‌نێت، به‌پێچه‌وانه‌وه‌ خاوه‌ن موه‌لیده‌كه‌ سزاده‌درێت.