بەنداوی دووکان
SNN-عەلی حەمە سەعید
دوای ئەوەی بەهۆی كەمبوونەوەی ئاستی ئاوی بەنداوی دووكان بەرهەمهێنانی كارەبا ڕاگیرا، بەوتەی لایەنە پەیوەندیدارەكان ڕاگرتنی بەرهەمهێنانی كارەبا لەو وێستگەیە كاریگەری ئەوتۆی نابێت لەسەر كەمبوونەوەی بڕی بەهەمهاتووی كارەبای نشتیمانی، چونكە لە%96 ی كارەبا لە وێستگە غازییەكانەوە بەرهەمدەهێندرێت.
كۆچەر جەمال، بەڕێوەبەری بەنداوی دووكان بە SNNی ڕاگەیاند: كەمبوونەوەی ئاستی ئاوی بەنداوی دووكان بەرهەمهێنانی كارەبای لە بەنداوی دووكان ڕاگرتووە، بەڵام پێمان وایە كە ئەو ڕاگرتنە كاریگەری زۆر ناكاتە سەر كەمبوونەوەی بڕی كارەبای نشتیمانی چونكە پێشتر بڕی 40 مێگاوات كارەبای لیوە بەرهەم دەهات.
سیروان محەمەد، بەڕێوەبەری ڕاگەیاندنی بەڕێوەبەرایەتی گشتی كارەبای سلێمانی بە SNNی ڕاگەیاند: بەهۆی ئەوەی بەرهەمهێنانی كارەبای نشتیمانی زیاتر پشت بە وێستگە غازییەكان دەبەستین كە لە%96 ی بەرهەمی كارەبا لەو وێستاگانەوە بەرهەم دێت، بۆیە ڕاگرتنی وێستگەی دووكان كاریگەری ئەوتۆ ناكاتە سەر كەمبوونەوەی بڕی كارەكا چونكە لە %2 ی كارەبا لە وێستگەكانی دووكان و دەربەندیخان بەرهەم دێن.
ئومێد ئەحمەد، وتەبێژی وەزارەتی كارەبای حكومەتی هەرێمی كوردستان ئەوەە ڕایگەیاندووە: لە ماوەی 25 ساڵی ڕابردوودا ئاستی ئاوی بەنداوی دووكان وەك ئێستا دانەبەزیوە، تۆڕباینەكانی بەرهەمهێنانی كارەبا كوژێندراونەتەوە، هاوكات كوژاندنەوەی وێستگەی بەرهەمهێنانی كارەبای بەنداوی دووكان، كاریگەری دەبێت لەسەر دابەزینی ڤۆڵتی كارەبا لە چەند ناوچەیەك پیشووتر وێستگەی بەرهەمهێنانی كارەبا لە بەنداوی دووكان 400 مێگاوات كارەبای بەرهەم دەهێنا، بەڵام بەم دواییە دابەزیبوو بۆ 40 مێگاوات، ئێستاش بەتەواوی ڕاگیراوە.
