ئەنجوومەنی وەزیرانی هەرێم ئەمڕۆ کۆدەبێتەوە

SNN

وابڕیارە ئەمڕۆ ئەنجوومەنی وەزیرانی هەرێمی کوردستان، لەبارەی چەند تەوەرێکی سەرەکییەوە کۆبێێتەوە، یەکێک لە تەوەرەکان باسکردن دەبێت لە مووچەی مانگی چوار.

ئەمڕۆ چوارشەممە 7ی ئایار، ئەنجوومەنی وەزیرانی هەرێم لەبارەی سێ تەوەرەوە کۆدەبێتەوە، تەوەری یەکەم بەدواداچوون دەبێت بۆ مووچەی مانگی چواری ئەمساڵ، کە تاکو ئێستا مووچەخۆران مووچەکانیان وەرنەگرتووە و بەغدا پارەی تەمویل نەکردووە، لەکاتێکدا وردبینیکردن بۆ لیستی مووچە دەمێکە تەواو بووە.

هاوکات، تەوەری دووەم تایبەت دەبێت تاوتوێکردنی کەمکردنەوەی تێچووی کارەبای 24 کاتژمێری، تەوەری سێیەمیش راسپاردنی وەزارەت و فەرمانگەکان دەبێت بۆ هەماهەنگیکردن لەگەڵ دەستەی هاوبەشی وردبینی دیوانی چاودێریی دارایی عێراق و هەرێمی کوردستان.