كۆمەڵی دادگەری لە هاوپەیمانی خەڵك كشانەوە، SNNهۆكارەكەی ئاشكرا دەكات

SNN-عەلی حەمە سەعید

دوای ئەوەی لە دوێنێوە چەند لایەنێكی سیاسی لەهەوڵی ئەوەدان بەرەیەكی یەكگرتوو بەناوی (هاوپەیمانی خەڵك)بۆ بەشداریكردن لەهەڵبژاردنی پەرلەمانی عێراق پێكبهێنن، بەڵام پێش لەدایك بوونی ئەو هاوپەیمانییە، بەشێك لە لایەنەكان لێكترازان.

بەگوێرەی ئەو زانیارییانەی دەست SNNكەوتوون، دوای ئەوەی بەرەی هەڵوێست كشانەوەی خۆیان لە (هاوپەیمانی خەڵك) ڕاگەیاند بە بیانووی ئەوەی نەوەی نوێ‌ بەشدارە لەو هاوپەیمانییە و نایانەوێت لە هاوپەیمانییەكدا بەشدار بن كە یەكێك لەلایەنەكانی ناو هاوپەیمانییەكە پارەی خەڵكی خواردووە، ئەمڕۆش كۆمەڵی دادگەری لەو هاوپەیمانییە كشانەوە.

هەر لە زانیارییەكانی SNNئەوەشهاتووە ئەمڕۆ جارێكی دیكە لایەنەكانی ناو هاوپەیمانی خەڵك لە بارەگای یەكگرتووی ئیسلامی لە سلێمانی كۆبوونەتەوە، بەڵام كۆمەڵی دادگەری ئامادەنە بوون بچنە ئەو كۆبوونەوەیە و كشانەوەی خۆیان لەو هاوپەیمانییە ڕاگەیاندووە.

هەر لە زانیارییەكانی SNNئەوەشهاتووە، هۆكاری كشانەوەی كۆمەڵی دادگەری لەو هاوپەیمانییە بۆ ئەوەی دەگەڕێتەوە كە ئەوانیش نیگەرانن لە بەشداریكردنی نەوەی نوێ‌ و خودی شاسوار عەبدواحید، هاوكات نیگەرانیش بوون لەو مەرج و ڕێنماییانەی كە نەوەی نوێ‌ بۆ هاوپەیمانیەكەی داناوە.